Мадриднинг «Реал» клуби ҳимоячиси Трент Александер-Арнольд Англия Премьер-лигасига қайтиши мумкин.
Teamtalk нашри маълумотига кўра, 28 ёшли футболчи «қироллик клуби»нинг асосий таркибидан муқим жой эгаллай олмагани сабабли Испанияни тарк этиш имкониятини кўриб чиқмоқда.
Англиялик ҳимоячининг вазиятига Премьер-лиганинг тўртта етакчи клуби қизиқиш билдирмоқда. Улар «Манчестер Сити», «Арсенал», «Челси» ва «Ливерпуль»дир.
Трент Испанияга кўчиб ўтишидан аввал айнан «Ливерпуль» шарафини ҳимоя қилган.
Айни пайтда Александер-Арнольднинг трансфер қиймати 60 миллион еврога баҳоланмоқда. Унинг «Реал» билан амалдаги шартномаси 2031 йил июнь ойи охирига қадар мўлжалланган.
