«Манчестер Сити» бош мураббийи Энцо Мареска Англия Премьер-лигасининг 8-турида «Астон Вилла»га қарши ўтказиладиган учрашув олдидан ўз фикрларини билдирди.

Италиялик мутахассис рақиб жамоа устози Унаи Эмерининг фаолиятига юқори баҳо бериб, бўлажак баҳс осон кечмаслигини таъкидлади.

«Мен Унаи Эмерини жуда ҳурмат қиламан. У фаолияти давомида ишлаган барча жамоаларида ўзини ажойиб томондан кўрсатган. У фантастик мураббий.

Эмери қўл остида жуда яхши жамоа шаклланган. Уларнинг ўйин услубини осонгина таниб олиш мумкин. «Астон Вилла» футболчилари майдонда нимага интилаётгани яққол кўриниб туради.

Бу жамоа тўпга эгалик қилмаган вазиятларда жуда юқори шиддат билан ҳаракат қилади. «Манчестер Сити»ни ниҳоятда қийин учрашув кутаётганига 100 фоиз ишонаман», — дея Маресканинг сўзларини келтиради City Xtra.

«Астон Вилла» ва «Манчестер Сити» ўртасидаги учрашув 24 октябрь куни бўлиб ўтади. Англия чемпионатининг 8-туридан ўрин олган баҳс Тошкент вақти билан эса 16:30 да бошланади.