Мадриднинг «Реал» клуби президенти Флорентино Перес Испания чемпионатининг 10-турида «Барселона»га қарши ўтказиладиган «эл-класико»да иштирок этмайди.

The Touchline маълумотига кўра, мадридликлар раҳбари учинчи мавсум кетма-кет «Камп Ноу» стадионидаги учрашувга ташриф буюрмасликка қарор қилган.

Бунга Испаниянинг икки гранди ўртасида Негрейра иши билан боғлиқ келишмовчиликлар ҳамон давом этаётгани сабаб бўлган.

Шунингдек, клублар раҳбарияти вакилларининг ўйин олдидан ўтказиладиган анъанавий тушлик учрашуви ҳам бекор қилинган.

«Барселона» ва «Реал» ўртасидаги навбатдаги «эл-класико» 25 октябрь, якшанба куни «Камп Ноу» стадионида бўлиб ўтади. Учрашув Тошкент вақти билан 26 октябрь куни соат 01:00 да бошланади.

Мазкур баҳс олдидан «Барселона» Ла Лига турнир жадвалида пешқадамлик қилмоқда. Каталонияликлар 9 та учрашувда 27 очко жамғарган.

«Реал» эса 21 очко билан учинчи ўринни эгаллаб турибди. Мадридликлар асосий рақибидан 6 очко ортда қолмоқда.