«Манчестер Юнайтед» спорт директори Жейсон Уилкокс жамоа бош мураббийи этиб Англия Премьер-лигасида иш тажрибасига эга мутахассисни тайинлашни истамоқда.

Уилкокс тўрт нафар номзоддан бирини танлашни таклиф қилмоқда. Улар — «Ньюкасл»нинг собиқ мураббийи Эдди Хау, аввал «Челси» ва «Тоттенхэм»да ишлаган Антонио Конте, «Астон Вилла» устози Унаи Эмери ҳамда «Брайтон» бош мураббийи Фабиан Ҳюрцелер.

Бироқ клубнинг рекрутинг бўйича директори Кристофер Вивелл спорт директори билан бир фикрда эмас. У «Бавария» ва Германия терма жамоасининг собиқ бош мураббийи Юлиан Нагельсманн номзодини маъқулламоқда.

Айни пайтда «Манчестер Юнайтед»ни Майкл Каррик бошқариб келмоқда.

«Манчестер Юнайтед»нинг жорий мавсумдаги натижалари:

- Жамоа мавсумдаги 11 та учрашувнинг атиги иккитасида ғалаба қозонган. Қолган баҳсларнинг тўрттасида дуранг қайд этилган, бештасида эса мағлубиятга учраган.

- Англия Премьер-лигасида 13-ўринда бормоқда ва қуйи лигага тушиб кетиш ҳудудидан икки очко олдинда.

- Чемпионлар лигасида эса 36 та жамоа орасида 21-ўринни эгаллаб турибди.