"Манчестер Юнайтед" ярим ҳимоячиси Бруну Фернандеш бош мураббий Майкл Кэррик ва унинг штаби ҳақидаги танқидий фикрларига қарамай, жамоа сардори бўлиб қолади.
Португалиялик футболчи Чемпионлар лигасида "Комо"дан учралган йирик мағлубиятдан (1:4) сўнг мураббийлар штаби танлаган тактиканинг тўғрилигига шубҳа билдирган эди.
Журналист Роб Дорсеттнинг ижтимоий тармоқларда тарқатган маълумотига кўра, клуб раҳбарияти Фернандешни сардорлик боғичидан маҳрум қилишни режалаштирмаяпти.
Бироқ манбада португалиялик футболчининг бошқа интизомий жазодан қутулиб қолиши ҳам эҳтимолдан йироқ экани қайд этилган.
"Манчестер Юнайтед" раҳбарияти Фернандешнинг билдирган фикрларидан норози бўлган. Шунга қарамай, клуб вакиллари "Комо"га қарши учрашув натижасини инобатга олган ҳолда, футболчининг муносабатини тушуниш билан қабул қилган.
"Манчестер Юнайтед" навбатдаги учрашувини 25 октябрь куни Англия Премьер-лигаси доирасида "Борнмут"га қарши ўтказади.
