Туркия футбол федерацияси (TFF) букмекерлик ставкаларига қўйилган тақиқни бузгани учун футбол клубларининг амалдаги ва собиқ 147 нафар раҳбарини 45 кунга дисквалификация қилди. Бу ҳақда ташкилотнинг интизом қўмитаси баёнотида маълум қилинди.
Дисквалификация қилинганлар орасида «Трабзонспор» президенти Эртуғрул Доган ҳам бор.
Жазо муддати давомида у ва бошқа жазоланган шахслар футбол фаолияти билан шуғуллана олмайди, ўз вазифаларини бажариш ва стадионларга ташриф буюриш ҳуқуқидан маҳрум этилади.
Шу билан бирга, интизом қўмитаси уч ойдан бир йилгача дисквалификация қилиниши мумкин бўлган барча шахсларга нисбатан жазони енгиллаштирди.
