«Интер Майами» аргентиналик ҳужумчиси Лионель Месси фаолиятининг катта қисмини ўтказган ва кўплаб жамоавий ҳамда индивидуал совринларни қўлга киритган «Барселона» клуби у учун қандай аҳамиятга эга экани ҳақида гапирди.
«Мен учун «Барселона» нимани англатади? Бу клуб билан боғлиқ шунчалик кўп гўзал хотиралар борки, унинг аҳамиятини бир неча сўз билан ифодалаш қийин.
Мен бу шаҳар ва клубга нисбатан жуда ўзига хос меҳрни ҳис қиламан. «Барселона»да биз барча совринларни қўлга киритиш бахтига муяссар бўлдик. Бу нафақат эришган натижаларимиз, балки уларга қандай йўл билан эришганимиз, ўйиндан, ғалабалардан ва муҳим марраларни забт этишдан қанчалик завқ олганимиз билан ҳам боғлиқ.
Аммо энг муҳими — кундалик ҳаётнинг майда тафсилотларидан, машғулотлардан ва биргаликда ўтказган гўзал лаҳзаларимиздан завқ олиш эди», — дея Мессининг сўзларини келтиради All About Argentina нашри ўзининг X ижтимоий тармоғидаги саҳифасида.
