«Барселона» футболчилари Испания чемпионати 10-туридан ўрин олган Мадриднинг «Реал» клубига қарши бўлажак учрашувга тайёргарлик кўрмоқда.
Жорий мавсумдаги илк «эл-класико» 25 октябрь куни «Камп Ноу» стадионида бўлиб ўтади. Barca Universal нашри хабар беришича, «кўк-анорранглилар»нинг айрим футболчилари бош мураббий Ханс-Дитер Флик уларга дам олиш кунини берганига қарамай, ихтиёрий равишда машғулот ўтказишга қарор қилган. Улар орасида Ламин Ямал, Педри, Фермин Лопес, Хави Эспарт, Жерар Мартин ва Войцех Шенсни бор.
Тўққиз турдан кейин каталонияликлар 27 очко билан турнир жадвалида пешқадамлик қилмоқда ва ҳали бирор марта очко йўқотмаган. «Қайморанглилар» эса 21 очко билан учинчи ўринда бормоқда.
