Нигериялик футболчи Гифт Орбан ўзининг жиззаки ва портловчи феъл-атвори билан яна бир бор эътибор марказига тушди.
«Коньяспор»га қарши учрашувда ҳужумчи ҳиссиётларини жиловлай олмади. Алмаштирилаётган пайтда майдонни тарк этаётиб, захира ўриндиғида турган стулга ғазабини сочди.
«Верона»нинг собиқ футболчиси бу каби ҳолатга биринчи марта дуч келаётгани йўқ. Бироқ бу сафарги реакцияси мураббийнинг уни алмаштириш ҳақидаги қарори билан боғлиқ эмас эди. Аслида, Орбан дарвозага гол ура олмагани ва ўз олдига қўйган шахсий мақсадига эриша олмаганидан қаттиқ жаҳли чиққан эди.
