«Ливерпуль» ярим ҳимоячиси Алексис Мак Аллистер келажагини мерсисайдликлар билан боғлаш ниятида. Аргентиналик футболчи клуб билан узоқ муддатли шартнома имзолашга тайёр.

Инсайдер Экрем Конурнинг ижтимоий тармоқларда маълум қилишича, 27 ёшли футболчи «Ливерпуль»да қолишни истамоқда. Бироқ клуб раҳбарияти ҳозирча янги шартнома бўйича музокараларни бошлашга шошилмаяпти.

Мак Аллистернинг мерсисайдликлар билан амалдаги келишуви 2028 йил 30 июнга қадар мўлжалланган.

Эслатиб ўтамиз, аргентиналик ярим ҳимоячи 2023 йилдан буён «Ливерпуль» шарафини ҳимоя қилиб келмоқда. Унинг ҳозирги трансфер қиймати 70 миллион еврога баҳоланмоқда.

Жорий мавсумда Макаллистер Англия Премьер-лигасида 7 та учрашувда майдонга тушиб, 2 марта сариқ карточка билан огоҳлантирилган.