«Барселона» футболчилари Лионель Месси ва Хавьер Маскеранолар Аргентина терма жамоасининг жаҳон чемпионати саралаши доирасидаги навбатдаги ўйинларига таклиф қилинишмади. Уларнинг иккаласи ҳам кенгайтирилган рўйхатда бор эди, лекин бугун Алехандро Сабелья охирги рўйхатни эълон қилди. Қайдномага Месси ҳам Маскерано ҳам киритилмаган.
Хабарингиз бор, футболчилар кичик жароҳат сабаб охирги вақтларда майдонга туша олишмаяпти. Шунинг учун терма жамоадагилар уларга клуб баъзасида даволаниш имконини яратиб беришди.
Шуни ҳам таъкидлаш жоизки, «Наполи» ҳужумчиси Гонсало Игуаин ҳам жароҳати сабаб миллий терма жамоага ёрдам бера олмайди.
Хабарингиз бор, биринчилардан бўлиб жаҳон чемпионати йўлланмасини нақд қилган Аргентина терма жамоаси 12 октябр куни Перуга қарши майдонга тушадиган бўлса, 16 октябр куни Уругвайни синовдан ўтказади.
