"Ювентус" раҳбарияти Лучано Спалеттига жиддий ультиматум қўйди. Мутахассис Европа лигасида ғолиб чиқсагина бош мураббий лавозимида қолади.

GDS маълумотларига кўра, "Ювентус" Европа лигасидаги ғалабани келаси мавсум Чемпионлар лигасига тўғридан-тўғри йўлланма олиш имконияти сифатида кўрмоқда. Туринликлар Италия чемпионатида қийинчиликларга дуч келмоқда ва шу сабабли Чемпионлар лигасининг кейинги мавсумида иштирок этиш ҳуқуқини қўлга кирита олмасликлари мумкин.

Эслатиб ўтамиз, аввалроқ ёмон натижалар туфайли Спалетти "Ювентус"дан бўшатилиши мумкинлиги ҳақида миш-мишлар тарқалган эди.