"Барселона" Испания чемпионатида ўз майдонидаги муваффақиятли иштирокини давом эттирмоқда. Ҳанси Флик бошчилигидаги жамоа Ла Лига доирасида кетма-кет 23 та уй учрашувида ғалаба қозонган.
AS нашри журналисти Хави Мигель маълумотига кўра, каталонияликларнинг мазкур серияси 2024/25 йилги мавсумда "Вильярреал"дан қабул қилиб олинган 2:3 ҳисобидаги мағлубиятдан кейин бошланган. Ўшандан буён "Барселона" Испания чемпионатида ўз майдонида бирор марта ҳам очко йўқотмаган.
Ушбу натижа клубга Ла Лига тарихидаги энг узоқ давом этган уй ғалабалари сериялари орасида тўртинчи ўринни эгаллаш имконини берди.
Каталонияликлар яна иккита учрашувда зафар қучса, 25 та кетма-кет ғалабадан иборат тарихий кўрсаткичга тенглашади.
Эътиборлиси, "Барселона" навбатдаги учрашувини Мадриднинг "Реал" клубига қарши ўтказади. Шу тариқа, "эл-класико"даги ғалаба жамоанинг муваффақиятли сериясини 24 та ўйинга етказиши мумкин.
