Германия футболи афсонаси Оливер Кан Юлиан Нагельсманнинг «Манчестер Юнайтед» бош мураббийлигига тайинланиши эҳтимоли ҳақида ўз фикрларини билдирди.

Сўнгги вақтларда манкунианликлар бош мураббийни алмаштириши мумкинлиги ҳақида хабарлар тарқалмоқда. Жамоани бошқаришга номзодлар қаторида германиялик мутахассис Юлиан Нагельсманн ҳам бор.

Оливер Кан ҳамюртини қарор қабул қилишда шошилмасликка чақириб, «Манчестер Юнайтед»да ишлашнинг ўзига хос қийинчиликларига эътибор қаратди.

«Манчестер Юнайтед» — сўнгги йилларда деярли ҳар бир мураббий эртами-кечми муваффақиятсизликка дуч келган клуб.

Шунинг учун қаерга ишлашга бораётганингни жуда пухта ўйлаб кўришинг керак.

«Манчестер Юнайтед» Нагельсманн учун фаолиятидаги навбатдаги тўғри қадам бўладими ёки йўқми — буни фақат унинг ўзи ҳал қилиши мумкин», — деди Кан.

Қайд этиш жоиз, «Манчестер Юнайтед» жорий мавсум Англия Премьер-лигасида қониқарсиз натижалар қайд этмоқда. Айни пайтда манкунианликлар мусобақа жадвалида 13-ўринни эгаллаб турибди.