«Барселона» ярим ҳимоячиси Дани Ольмо яқин вақт ичида клубини алмаштиришни режалаштирмаяпти. Испаниялик футболчи Каталония жамоасидаги ҳолатидан мамнун ва фаолиятини шу ерда давом эттириш ниятида.
Журналист Флориан Плеттенбергнинг хабар беришича, Ольмо қишки трансферлар ойнасида «Барселона»ни тарк этиш имкониятини кўриб чиқмаяпти.
Аввалроқ футболчининг номи Мюнхеннинг «Бавария» клуби билан боғланган эди. Бироқ айни пайтда Германия гранди испаниялик ярим ҳимоячини сотиб олиш бўйича ҳеч қандай иш олиб бормаяпти.
Эслатиб ўтамиз, Дани Ольмо 20 октябрь куни Чемпионлар лигаси умумий босқичининг 3-турида «ПСЖ»га қарши ўтказилган ва каталонияликларнинг 2:4 ҳисобидаги мағлубияти билан якунланган учрашувда жароҳат олган эди.
Тиббий текширув натижалари футболчининг чап сонидаги яқинлаштирувчи мушак шикастланганини кўрсатди.
Дастлабки маълумотларга кўра, Ольмонинг тикланиши учун тахминан бир ой вақт талаб этилади.
