Испания терма жамоаси бош мураббийи Луис де ла Фуэнте 2026 йилги «Олтин тўп» мукофоти учун кураш ҳақида ўз фикрларини билдирди.

Испаниялик мутахассис Лионель Мессининг футбол тарихида қолдирган улкан меросини юқори баҳолади. Бироқ у аргентиналик юлдузни бу йилги мукофот учун ўзининг асосий номзоди сифатида кўрмаётганини маълум қилди.

Де ла Фуэнтедан Мессининг яна бир бор «Олтин тўп»ни қўлга киритиш имконияти ҳақида сўралганда, у қисқа жавоб қайтарди.

«Йўқ, йўқ, йўқ... Агар бу мукофотни испаниялик футболчи қўлга киритса, жуда хурсанд бўламан», — деди мутахассис.

Эслатиб ўтамиз, Лионель Месси фаолияти давомида саккиз марта «Олтин тўп» соҳибига айланган. Аргентиналик футболчи 2026 йилда ҳам нуфузли мукофотга номзодлар рўйхатидан жой олган.

Бироқ бу йил соврин учун асосий фаворитлар сифатида «Бавария» ҳужумчиси Гарри Кейн ва «Барселона» вингери Ламин Ямаль кўрилмоқда.

Қайд этиш жоиз, Луис де ла Фуэнте бошчилигидаги Испания терма жамоаси 2026 йилги жаҳон чемпионатида ғолибликни қўлга киритган.

«Олтин тўп» мукофотини топшириш маросими 26 октябрь, душанба куни Лондон шаҳрида бўлиб ўтади.