«Барселона» ҳужумчиси Рафинья Диас «эл-класико» олдидан жамоадошларининг руҳий ҳолати ҳақида фикр билдирди.
Сешанба куни каталонияликлар Чемпионлар лигасида «ПСЖ»га 2:4 ҳисобида мағлуб бўлиб, мавсумдаги илк мағлубиятини қабул қилиб олди. Бугун эса жамоа Испания чемпионати доирасида ўз майдонида Мадриднинг «Реал» клубини қабул қилади.
«Футболда бундай ҳолатлар учраб туради, бунда ҳеч қандай муаммо кўрмаяпман. “ПСЖ”дан учралган мағлубият ўз кучимизга бўлган ишончимизга таъсир қилган, деб ўйламайман», — дея Рафиньянинг сўзларини келтиради Barca Buzz.
