“Барселона” бош мураббийи Ханси Флик Испания чемпионати 10-турида “Реал”га қарши кечган (1:2) учрашувдаги мағлубият ҳақида фикр билдирди.
«Мағлубиятни қабул қилиш муҳим. Бизга энергия етишмади. Энди кейинги ўйинда бор кучимиз билан ҳаракат қилиш ва мавсум охиригача яхши жисмоний ҳолатни сақлаб қолиш учун бироз дам олишимиз керак. Бизга айнан шу нарса зарур.
Бу ҳафта биз учун идеал бўлмади. Аввал Парижда мағлубиятга учрадик, энди эса Ла Лигада ҳам ютқаздик. Биз ҳали ҳам турнир жадвалида пешқадаммиз, аммо кўпроқ энергияга эга бўлишимиз керак. Ҳозирча етарлича тикланмаганимиз афсусланарли», — деди Флик учрашувдан кейин.
“Барселона” 27 очко билан Испания чемпионатида пешқадамлик қилишда давом этмоқда. Бироқ жамоанинг энг яқин таъқибчиси “Реал” билан орадаги фарқ уч очкогача қисқарди.
