«ПСЖ» дарвозабони Матвей Сафонов ўзининг Telegram каналида «Лион»га қарши ўтган учрашув ҳақида фикр билдирди.
Парижликлар мазкур баҳсда 2:0 ҳисобида ғалаба қозонди. Россиялик футболчининг таъкидлашича, душанба оқшомида у учун энг муҳим воқеа айнан Франция чемпионати доирасидаги ушбу ўйин бўлган.
«Кечаги кун ҳиссиётларга бой бўлди. Мен ва жамоам учун эса асосий воқеа «Лион»га қарши учрашув бўлди.
Бу баҳс биз учун айниқса муҳим эди. Чунки унинг натижасига кўра, жорий мавсумда илк бор чемпионат жадвалида биринчи ўринга кўтарилдик!» — деб ёзди Сафонов.
