Мюнхеннинг "Бавария" клуби франциялик вингер Майкл Олисе билан ҳамкорликни узоқ муддат давом эттириш ниятида. Бу ҳақда клуб бош директори Ян-Кристиан Дризен маълум қилди.
Раҳбардан 24 ёшли футболчи билан янги шартнома тузиш бўйича музокаралар бошланган-бошланмагани сўралди.
"Майклнинг имкон қадар узоқ вақт жамоамиз сафида тўп суришини истаймиз. Бунинг учун қулай фурсат келганда, у билан келажаги ҳақида гаплашамиз", — дея Дризеннинг сўзларини келтиради SPORT BILD.
Эслатиб ўтамиз, "Бавария" 2024 йилда Олисени "Кристал Пэлас"дан 53 миллион евро эвазига сотиб олган. Ҳозирги трансфер бозорида бу сумма нисбатан камтарона ҳисобланади.
Франциялик футболчи жорий мавсумда юқори самарадорлик намойиш этмоқда. У барча мусобақалар доирасида 11 та ўйинда иштирок этиб, 10 та гол урди ва шерикларига 6 та голли узатма берди.
Олисeнинг мюнхенликлар билан амалдаги шартномаси 2029 йилнинг ёзигача мўлжалланган.
