Лондоннинг "Арсенал" клуби бош мураббийи Микель Артета Англия лига кубогида "Флитвуд Таун"га қарши ўйинда қизил карточка олган Макс Доуман билан боғлиқ вазиятга изоҳ берди.
16 ёшли вингер мусобақанинг тўртинчи босқичидан ўрин олган учрашувни асосий таркибда бошлади. Асосий вақт 1:1 ҳисобида якунланган баҳснинг 85-дақиқасида Доуман қўпол ҳаракати учун майдондан четлатилди. Пенальтилар сериясида эса "Арсенал" 5:3 ҳисобида устун келди.
Ўйиндан кейин Артетадан ёш футболчи майдонни тарк этаётган вақтда унга нималар дегани сўралди.
"Доуманга нима дедим? Ўйиндан олдин биз гаплашган ҳолат юз берди", — дея Артетанинг сўзларини келтиради Arsenal Radar.
Макс Доуман жорий мавсумда "Арсенал" сафида барча мусобақалар доирасида 7 та учрашувда майдонга тушиб, 2 та гол урди ва 1 та голли узатмани амалга оширди.
Лондонликлар навбатдаги учрашувини 1 ноябрь куни "Ливерпуль"га қарши ўтказади.
