«Сантос»нинг «Байя»га қарши ўйинида ҳужумчи Неймар рақиби билан гаплашаётган пайтда оғзини қўли билан беркитгани учун қизил карточка олди. Ушбу ҳолатда «Винисиус қоидаси» деб аталувчи тартиб ишга тушди.

Globo Esporte хабар беришича, интизом қўмитаси мазкур ишни кўриб чиқиб, Неймарни иккита ўйинга дисквалификация қилиш ҳақида қарор чиқарган. «Сантос» ушбу қарор устидан апелляция бериши мумкин.

Шу тариқа, Неймар «Сантос»нинг жами учта учрашувини ўтказиб юборади. Икки ўйинлик дисквалификация қизил карточка учун автоматик равишда белгиланган бир учрашувлик жазога қўшимча ҳисобланади.