«Бавария» ва Англия терма жамоаси ҳужумчиси Гарри Кейн «Олтин тўп»ни қўлга киритганидан кейин ижтимоий тармоқларда қолдирган хабарига изоҳ берди.

33 ёшли футболчи совринни олгач, «Жимгина қаттиқ меҳнат қил. Муваффақиятинг сенинг ўрнингга гапирсин», — деб ёзган эди.

Айримлар бу сўзлар Килиан Мбаппе ва Ламин Ямалга қаратилганини тахмин қилди. Бироқ Кейн буни рад этди.

«Йўқ, мутлақо бундай эмас. Бу ибора бутун фаолиятим давомида менга ёққан. У менинг меҳнатга, интизомга ва фидойиликка бўлган муносабатимни ифодалайди.

Кўп марта ёлғиз машғулот ўтказишимга тўғри келган. Бу сўзлар кўплаб ёшларга мотивация бериши мумкин, деб ўйлайман», — деди Кейн.