Яқинда бўлиб ўтган «эл-класико»да «Реал» сафарда «Барселона»ни 2:1 ҳисобида мағлуб этди. Учрашувдан сўнг юзага келган нохуш ҳодиса сабабли Ла Лига полицияга мурожаат қилди.
Мадридликлар иккинчи голни нишонлаётган пайтда каталониялик мухлислардан бири «Реал» яримҳимоячиси Эдуардо Камавинга ва унинг ёнидаги футболчиларни байроқ дастаси билан урган.
AS нашрининг хабар беришича, полиция «Барселона» хавфсизлик хизмати кўмагида қоидабузарнинг шахсини аниқлади. Унга нисбатан маъмурий иш қўзғатилди.
Мухлисга 3 мингдан 60 минг еврогача жарима солиниши мумкин. Шунингдек, унинг спорт мусобақаларига киришига маълум муддатга тақиқ қўйилиши эҳтимоли бор.
