«Шальке» футболчиси, аввалроқ «Милан» шарафини ҳимоя қилган Кевин-Принс Боатенг «россонерилар» ҳимоячиси Филип Мексеснинг 4та ўйинга дисквалификация қилингани ҳақида фикр билдирди.
«Мексес – энг яқин дўстларимдан бири. У ҳар бир ўйинга масулият билан ёндашади, лекин ўша вазиятда у ноҳақ эди.
Менимча, 4та ўйиндан иборат дисквалификация унга муносиб жазо бўлди. У тинчланиши керак эди. Бундай катта ўйинларда ўзидан кетиш ярамайди.
«Милан»нинг мавсумни бу қадар омадсиз бошлашини кутмаган эдим. Ўтган мавсумда ҳам шундай бўлган эди, лекин охир-оқибат биз чемпионлар лигасига йўлланма олгандик»,- дейди футболчи.
Хабарингиз бор, Италия чемпионати доирасидаги «Ювентус»га қарши учрашувда Мексес қўпол ҳаракатлари учун майдондан четлатилган ва ўйиндан кейин ҳакамлар қўмитаси вазиятни кўриб чиқиб, унга 4та ўйиндан иборат дисквалификация белгилаган эди.
