"Арсенал" бош мураббийи Микель Артета сўнгги ўйинларда натижадорлиги пасайган ҳужумчи Кай Хаверцни ҳимоя қилди. Испаниялик мураббийнинг айтишича, бу пасайиш немис футболчисининг аввалги жароҳатлари билан боғлиқ эмас ва ҳужумчилар учун одатий ҳолат ҳисобланади.
"Йўқ, бунинг ҳеч қандай алоқаси йўқ. Ҳа, статистик кўрсаткичларимиз пасайди, аммо унда ўйнаш учун имкониятлар бўлди. Ҳужумчиларда бундай форма ва самарадорликнинг пасайиши жуда кўп учрайдиган ҳолат. Мен унга ва унинг амалга ошираётган ишларига тўлиқ ишонаман", — деди Артета.
Артета, шунингдек, Англия Лига кубогида "Флитвуд Таун"га пенальтилар сериясида мағлуб бўлиб, мусобақани тарк этганидан сўнг Виктор Дьёкереш ва Хаверцни қаттиқ танқид қилмасликка чақирди.
"Ҳафта ўртасида содир бўлган воқеа, эҳтимол, футболнинг гўзаллигидир. Агар бу ўйинни 100 марта ўтказсак, 99 фоиз ҳолатда натижа олдиндан маълум бўларди. Аммо бу футбол, бундай ҳолатлар содир бўлиб туради", — деди мураббий.
Ҳар икки ҳужумчи ҳам якшанба куни "Энфилд"да "Ливерпуль"га қарши ўтказиладиган Премьер-лига учрашуви учун жамоа ихтиёрида қолмоқда. Артета кубокдаги омадсизликдан сўнг ҳужум чизиғидан кескин жавоб кутиб қолмоқда. "Арсенал"га чемпионлик учун курашдаги мавқеини мустаҳкамлаш мақсадида уч очко зарур.
