Франция терма жамоаси ва «Ньюкасл» ярим ҳимоячиси Йоан Кабай ёзда «Арсенал»га ўтишни хоҳлаганини таъкидлади.
«Трансфернинг бекор бўлганини эшитиш қийин бўлди. Лекин бизнинг ишда ҳаммасини тезда унутиш керак. Шунинг учун мен бу ҳақда унутдим.
Мухлислар буни турлича қабул қилишди (ҳуштакбозлик билан қарши олишганди), лекин бу менинг фаолиятим. Мен қаергадир ўтишим билан мухлисларни хафа қилишни хоҳламайман.
Менинг нима учун «Арсенал»га ўтмаганимни спорт директоримиз Жо Киннэйргина изоҳлаб бериши мумкин. Мен бунинг сабабини яширмоқчи эмасман»,- дейди футболчи.
