Россия футбол иттифоқига кирувчи «Алания» жамоаси иқтисодий муаммолар сабаб клубнинг барча футболчиларини эркин агент сифатида қўйиб юбориши мумкин. Бу ҳақда Шимолий Осетия Республикаси ҳукумат аъзоси Сергей Такоев маълум қилди.
Токаевнинг таъкидлашича, 24 ноябргача муаммо ҳал бўлмайдиган бўлса барча футболчиларга эркин агент статуси берилади.
Аввалроқ «Алания»нинг «Русгидро» корхонаси билан 2020 йилга қадар мўлжалланган шартномаси бекор қилингани хабар қилинган эди. Хабарингиз бор, ҳозирда Шимолий Осетияда ҳам иқтисодий танг аҳвол ҳукм сурмоқда.