15 октбярь куни Тошкентдаги «Пахтакор» стадионида ОК-2015 саралаши, 3-тури доирасида Ўзбекистон ҳамда Вьетнам терма жамоалари ўртасидаги учрашув ўтказилади. Вьетнам терма жамоаси айни дамда, саралашнинг «Е» гуруҳида сўнгги поғонани эгаллаб турибди. Ўзбекистонга қарши ўйин арафасида Вьетнам терма жамоасининг саралаш баҳслари тарихидаги ўйинлари, аввалги йиллардаги иштирокига тўхталиб ўтамиз.
2007 йил Вьетнам футболи тарихидаги энг омадли йил бўлди. Шу йили Вьетнам Индонезия, Малайзия ҳамда Таиланд мамлакатлари билан биргаликда Осиё Кубоги финал босқичига мезбонлик қилган. Ўз уйида ўтказилган Осиё Кубоги баҳслари эса, Вьетнам миллий терма жамоаси учун ўз тарихидаги энг яхши натижа билан ҳотима топди. Австриялик Альфред Ридль бош мураббийлигидаги Вьетнам терма жамоаси ОК очилиш учрашувида БАА терма жамоасини мағлубиятга учратди. Катар терма жамоаси билан учрашувдаги дуранг вьетнамликларни мусобақа чорак финалига олиб чиқди.
Австриялик мураббий бошчилигида ажойиб ўйин кўрсатган Вьетнам чорак финалда ОК-2007 бўлажак ғолиби - Ироқ терма жамоасига мағлуб бўлди. Аҳамиятлиси, 2007 йилги ОК финал босқичи баҳслари Вьетнамнинг Осиё чемпионатлари тарихидаги ягона иштироки бўлиб тўрибди.
Вьетнам терма жамоаси АСЕАН (Жануби-шарқий Осий) чемпионатининг доимий иштирокчиси саналади. Ҳар икки йилда бир маротаба ўтказиладиган ушбу турнирда Вьетнам терма жамоаси 2008 йили ғолиб бўлган.
Вьетнам терма жамоасининг ҳалқаро мусобақалардаги барча иштироки:
ОСИЁ КУБОГИ.
1996 - Саралашдан ўта олмаган
2000 - Саралашдан ўта олмаган
2004 - Саралашдан ўта олмаган
2007 - Чорак финал
2001 - Саралашдан ўта олмаган
АСЕАН (Жануби-шарқий Осиё) чемпионати.
1996 - Учинчи ўрин
1998 - Финалчи
2000 - Тўртинчи ўрин
2002 - Учинчи ўрин
2004 - Гуруҳ босқичи
2006 - Ярим финал
2008 - Чемпион
2010 - Ярим финал
2012 - Гуруҳ босқичи
Вьетнам терма жамоаси 9 октябрь куни Қатар терма жамоасига қарши Дохада ўртоқлик учрашувини ўтказади ва Тошкентга Ўзбекистон миллий терма жамоасига қарши ОК саралаш учрашувини ўтказиш учун ташриф буюради.
Вьетнам терма жамоаси.
ФИФА аъзоси - 1964
ОФК аъзоси - 1964
Бош мураббий - Хоан Ван Фук
Терма жамоа сафида энг кўп ўйин ўтказган футболчи - Нгуен Мин Фонк (73)
Терма жамоа тўпурари - Ле Конг Вин (31та гол)
2015 йили Австралияда бўлиб ўтадиган ОК саралашини Вьтенам терма жамоаси 6 февраль куни БААга қарши ўйин билан бошлади. Вьетнам пойтахти Ханои шаҳрида бўлиб ўтган ўйинда БАА терма жамоаси 2:1 ҳисобида ғалаба қозонган. Саралашнинг «Е» гуруҳи 2-турида эса Вьетнам сафарда Гонконг терма жамоасига кичик ҳисобда имкониятни бой берди - 0:1.
Вьетнам терма жамоаси иштирок этадиган ОК-2015 саралаш «Е» гуруҳи ўйинлари:
1-тур
6 февраль
Вьетнам - БАА 1:2
Ўзбекистон - Гонконг 0:0
2-тур.
22 март
Гонконг - Вьетнам 1:0
БАА - Ўзбекистон 2:1
3-тур
15 октябрь
Ўзбекистон - Вьетнам
Гонконг - БАА
4-тур.
15 ноябрь
Вьетнам - Ўзбекистон
БАА - Гонконг
5-тур.
19 ноябрь
Гонконг - Ўзбекистон
БАА - Вьетнам
6-тур.
5 март
Вьетнам - Гонконг
Ўзбекистон - БАА
