"Рома" спорт директори Тони Д'Амико "Реал" ҳужумчиси Эндрикнинг Рим клубига ўтиши мумкинлиги ҳақидаги хабарларга муносабат билдирди.
Д'Амико "Удинезе"га қарши ўйин олдидан DAZN Italia нашрига берган интервьюсида жамоанинг асосий эътибори ҳозирги мавсумга қаратилганини таъкидлади.
"Ёш футболчиларимизнинг ривожланишидан мамнунмиз. Учрашувлар кўплиги сабаб таркибда танлов имкониятлари кенг бўлиши муҳим.
Ҳозир аниқ футболчилар ҳақида гапириш қийин, олдинда ҳали кўп вақт бор. Эндрик — жуда кучли футболчи, аммо биз ўз жамоамизга эътибор қаратишимиз керак.
Ҳар уч кунда майдонга тушяпмиз. Трансферлар ҳақида ўйлашга кейин ҳам вақт топилади", — деди Д'Амико.
Шунингдек, спорт директори "Наполи" устози Массимилиано Аллегрининг ҳакамлик борасидаги эътирозларига ҳам тўхталиб, "Рома" фақат ўз ўйини ва меҳнатига эътибор қаратишини билдирди.
