«Ювентус» 2020 йилдан буён камида беш нафар доимий бош мураббийни алмаштирди. Бу каби тез-тез ўзгаришлар сўнгги олти йил давомида Турин клубида барқарорлик етишмаётганини кўрсатади.
Клуб Массимилиано Аллегрининг биринчи фаолияти даврида унга беш мавсум давомида ишонч билдирган эди. Бироқ 2019 йил ёзида унинг ўрнига бошқа мураббий тайинланганидан ҳанузгача пушаймон. Аллегри иккинчи бор жамоага қайтганига қарамай, «Ювентус» Европанинг етакчи клублари сафидаги ўрнини тиклай олмади.
«Ювентус»нинг собиқ дарвозабони Микеланджело Рампулла клуб раҳбариятининг қарорларини диққат билан кузатиб келмоқда.
«Спаллетти ҳақида гапирадиган бўлсак, мен вақтинчалик мураббийлар ва муқобил ечимларга ишонмайман. Режа асосида ишлаш учун вақт керак. Дарҳол рақобатлаша оладиган кучли таркибни шакллантириш лозим.
Мураббийларни доимий алмаштираверсангиз, жамоада ўзига хос қиёфа шаклланмайди. Ҳар олти ойда мураббийни ўзгартириш ишни қийинлаштиради. Шунчаки олти-етти нафар футболчи сотиб олиб, дарҳол рақобатбардош жамоа тузиш осон эмас. Қолаверса, молиявий кўрсаткичларни белгиланган меъёрда ушлаб туриш ҳам керак», — деди Рампулла.
