Владикавказнинг «Алания» жамоаси иқтисодий танг аҳволга тушиб қолгаи ҳақида хабар қилган эдик. Шу муносабат билан клуб мутасаддилари мухлисларга ёрдам сўрам мурожаат қилишди.

«Ҳурматли мухлислар, жамоанинг ҳозирги аҳволидан хабарингиз бор. Шу муносабат билан бизнинг таянчимиз бўлган сиз мухлисларга мурожаат қилишга қарор қилдик. «Алания»мизнинг келажаги учун биргаликда курашайлик.

Жамоа охирги вақтларда иқтисодий таъминот ва ҳомийларидан ажралиб қолди. Бу вақт давомида чора топишга ҳаракат қилдик. Ҳамон изланишдамиз.

Сизга яхши маълум замонавий футболда жамоа бюджети катта рол ўйнайди. Республикса (Шимолий Осетия) эса 2 йилдан буён биз учун айтарли ҳеч нарса ажратаётгани йўқ. Иқтисодий танг аҳволда бўлишимизга қарамай, жамоамиз турнир жадвалида биринчи ўринни эгаллаб турибди. Умид қиламизки, муаммони биргаликда ҳал қиламиз. Футболчилар ҳозир жамоа ва сиз мухлислар учун ҳаракат қилишмоқда.

Тарих шуни кўрсатадики, сиз энг қийин вақтларда ҳам бизни қўллаб-қувватлагансиз. Жамоа гуллаб-яшнаганда унга мухлислик қилиш осон ва ёқимли, лекин оғир паллада фақат ҳақиқий дўстлар қолади. Бундай дўсларимиз кўплигига ишонамиз. Жамоа билан бирга бўлинг ва биз ғалаба қозонамиз»,- деб ёзилади мурожаатда.