Ҳиндистон U-19 ёшлар терма жамоаси бош мураббийи Кольм Йозей Тоалнинг сўзларига кўра, шогирдлари бутун ўйин давомида Ўзбекистондек кучли жамоани бўшашишга йўл қўйишмаган.

Ўзбекистон ёшлар терма жамоаси 10 октябрь, пайшанба куни ёшлар ўртасидаги 2012 йилги Осиё чемпионати «А» саралаш 4-тур учрашувлари доирасида Ҳиндистон ёшларига қарши майдонга тушди ва 3:0 ҳисобида ғалаба қозонди. Учрашувда Аслиддин Абдиев дублга эришган бўлса, яна бир гол ярим ҳимоячи Бобур Давлатов ҳисобига ёзилди.

"Биз жуда кучли жамоага қарши баҳс олиб бордик. Ушбу ўйинда бизнинг асосий ютуғимиз шундан иборатки, биз уларни 93 дақиқа давомида босимда ушлаб турдик. Бизда ҳам гол уриш учун яхши вазиятлар бўлди, айниқса, биринчи бўлим сўнггида. Ўша вазиятда пенальти бор эди. Балки бошқа ҳакам бўлганида пенальти белгиларди. Бундай кучли рақибга қарши ўйинда ўз ўйинингни топишинг керак. Ўйин давомида биз яхши имкониятларга эга бўлдик. Шунга қарамай, кучли жамоа ғалаба қозонди. Шогирдларим рақибни бўшашишга имкон бермаганидан хурсандман", дейди англиялик мутахассис.