Ҳ.Қ. Узр сўрайман. Умрзоқ, асоссиз гапирмадим. Айтайлик, хиёнатга тенг қарорни қабул қилишга раҳбариятни юқори қудрат эгаси мажбур қилди дейлик. Бундай аҳволда ҳамма бир тан бир жон бўлиб таҳқирланган термамиз атрофида руҳан бирлашиши керак эди-ку. Бунинг ўрнига биз нима қилдик? ФИФА куни ўринбосарларни йиғиб, уларни “оқ иштон, қора иштон” қилиб иккига бўлиб майдонда майнавозчиликни уюштирдикми? Бошқа куни йиғмасак-да ўша куни ўша йиғинга, ҳамма легионерларни, ҳамма-ҳаммани бир жойга йиғишимиз шарт эди-ку. Бир ҳаводан нафас олишимиз шарт эди-ку. Ҳатто Иорданияга қарши майдонга тушмайдиган Нестеров ҳам жамоа билан бирга бўлиши керак эди. Президентимиз ҳам, вице-президентимиз уззу-кун терма билан бирга бўлса яхши бўлар эди. Жамоа руҳиятини ФИФА куни йиғин орқали баланд нуқтада сақлаб қолиш керак эди-ку. Туркия бўлмагач, масалан “ Алма ата” билан, у бўлмаса “Олмалиқ” билан ишқибозлар гувоҳлигида, ТВ орқали кўрсатиб жиддий ўйин ўтказишимиз шарт эди-ку. Жамоанинг жанговор руҳиятини яратиш йўлида ҳеч ким бош қотирмади. Термамиз ва Қосимов ташландиқ ҳолатда қолиб кетишган эди. Термага қўл силташ бундан ортиқ бўладими? Энди бўлса, ҳар томонлама “калтакланган”, қаноти қайрилган Қосимов термани Вьетнамга қарши ўйинга тайёрлаши керак экан. Қандай қилиб?

Давоми Ҳасанали Қодиров блогида.