Осиё кубоги-2015 саралаши босқичи доирасида Вьетнамга қарши ўйинга тайёргарлик кўраётган Ўзбекистон миллий терма жамоаси бугун "Жар" стадионида "Бунёдкор" билан ўртоқлик учрашувини ўтказди. Учрашувда терма жамоамиз "қалдирғочлар"ни 3:2 ҳисобида мағлубиятга учратди.

Ҳисобни эса "Бунёдкор" футболчиси Анвар Бердиев очган бўлса, орадан кўп ўтмасдан Санжар Турсунов ҳисобни тенглаштирди. Биринчи бўлим тугашига яқин Александр Гейнрих миллий терма жамоани ҳисобда олдинга олиб чиқди.

Иккинчи бўлим бошида Сардор Рашидов терма жамоа сафида, назорат баҳсида бўлса ҳам, ўзининг илк голини киритди. 66-дақиқада эса Игорь Таран ҳисобни биттага қисқартирди.

Ушбу баҳс Вьетнам билан ўйин олдидан сўнгги назорат ўйини бўлиб қолади. Терма жамоамиз расмий ўйингача тайёргарликни Тошкентда давом эттиради. Вьетнамга қарши ўйин эса 15 октябрь куни соат 18:00да "Пахтакор" стадионида бошланади.

Назорат учрашуви
Ўзбекистон - "Бунёдкор" 3:2
Голлар: Санжар Турсунов (21), Александр Гейнрих (37), Сардор Рашидов (48) - Анвар Бердиев (14), Игорь Таран (66)
Ўзбекистон миллий терма жамоаси: Элдорбек Суюнов, Виталий Денисов, Анзур Исмоилов, Шавкат Муллажонов, Санжар Турсунов, Азиз Ҳайдаров, Илҳом Юнусов, Сервер Жепаров, Жасур Ҳасанов, Баҳодир Насимов, Александр Гейнрих.
Захирадан майдонга тушганлар: Александр Лобанов, Ислом Иномов, Жамшид Искандеров, Игорь Сергеев, Сардор Рашидов, Темур Кападзе, Даврон Ҳошимов, Иван Нагаев, Владимир Козак, Ислом Тўхтахўжаев, Фозил Мусаев.
«Бунёдкор»: Муроджон Зуҳуров, Акмал Шораҳмедов, Саҳоб Жўраев, Дилшод Жўраев, Анвар Ғофуров, Жавлон Иброҳимов, Лутфулла Тўраев, Алибобо Раҳматуллаев, Марко Блажич, Олег Зотеев, Анвар Бердиев.
Захирадан майдонга тушганлар: Акбар Тўраев, Игорь Таран, Сардор Собирхўжаев.