Миланнинг "Интер" клуби қишки трансфер мавсумида ҳимоячи чизиғини кучайтиришга уринади, деб ёзади La Gazzetta dello Sport.
Шу боисдан миланликлар Альваро Перейрани сотиб юборишни режалаштиришмоқда. Унинг ўрнига бир қатор янги номзодлар кўз остига олиб қўйилган: "Зенит" аъзоси Доменико Кришито, "Порту"дан Алекс Сандро, "Атлетико" вакили Эмелиано Инсуа ва "Женоа"дан Шиме Врсалько шулар жумласидан.
Қайд этиш жоиз, 2014 йило ёзида "Интер"нинг бир йўла 8 ўйинчиси билан шартномалар ниҳоясига етади: дарвозабон - Луки Кстелаци; ҳимоячилар - Кристиан Киву, Вальтер Самуэл, Хавьер Занетти; яримҳимоячилар - Габи Мудингай, Макдональд Марига ва ҳужумчи - Диего Милито.
Бундан ташқари, ёзда "Порту" вакили Роланду ва "Челси"дан ижарага олинган Уоллес билан ҳам шартномалар муддати тугайди.