"Барселона" клубининг 31 ёшли дарвозабони Виктор Вальдес "Монако" билан дастлабки келишувга эришгани ҳақида Sport.es сайти хабар тарқатди.
Манбага кўра, дарвозабон "Монако" билан 4 йиллик шартнома имзолайди ва йилига 15 миллион евро маош олади. Бу эса Вальдеснинг ҳозирги даромадидан сезиларли даражада кўпдир.
Бироқ ҳозирча томонлар ушбу маълумотни тасдиқлашмади. Эслатиб ўтамиз, Вальдес каталонияликлар билан келаси йили ёзда якунига етадиган шартномани узайтиришдан бош тортганди.