Бокунинг "Нефтчи" клуби ҳужумчиси Ўзбекистон терма жамоасининг Вьетнамга қарши ўйини ва ўз клубининг кейинги ўйинлари ҳақида фикрларини билдириб ўтди.

"Ўзбекистон миллий терма жамоаси Осиё кубоги саралаш босқичининг 3-турида Вьетнамни мағлуб этди (3:1) ва гуруҳда 2-ўринга кўтарилиб олди. Мен бу ўйинда 70 дақиқа ўйнадим. "Нефтчи"га ўтганимдан кейин доимий равишда терма жамоадан таклиф оляпман. Ҳам терма жамоа, ҳам клубда яхши натижага эришиш учун қўлимдан келган барча ишни қиламан.

"Премьер лигада эса, "Сумгайит"га қарши ўйинда жароҳат олганим боис, "Қорабоғ" ва "Ғабала" билан ўйинларда майдонга туша олмадим. Четдан туриб жамоа ўйинини кузатиш оғир. Жароҳатдан фориғ бўлиб, жамоа билан шуғулланяпман. "Равон" билан ўйинда мураббийлар менга имкон беришса, бор кучимни бериб ўйнайман. Биринчи даврада бу жамоа дарвозасига 2та гол ургандим. Лекин ҳар бир ўйин турлича кечади. Худди биринчи мавсумда бўлгани каби, мухлислар мендан яна тўпурар бўлишимни кутишаётганини биламан. Кўп гол уришни истайман, аммо муҳими жамоа муваффақияти. Мақсадимиз — чемпионликни қўлга киритиш", дейди Баҳодир Насимов.