Лондоннинг «Арсенал» клуби ярим ҳимоячиси Тео Уолкот жамоасининг яқин вақтлар ичида ўтказадиган учта учрашувида майдонга туша олмаслиги мумкин. Бу ҳақда goal.com хабар бермоқда.
Ўтган ойда футболчи енгил операция қилинган эди. Ҳозирда енгил машғулотларда қатнашаётган футболчи қорин мускулларида оғриқ сезган.
Шундай қилиб футболчи чемпионлар лигасининг «Боруссия Д»га қарши учрашувида жамоасига ёрдам бера олмайди. Унинг тикланиши учун камида икки ҳафта талаб қилинади. Бу вақт оралиғида у «Кристал Пелес» ва «Челси»га қарши ўйинларни ҳам ўтказиб юбориши мумкин.
