Бразилия терма жамоасининг афсонавий ҳужумчиси Лиус Назарио де Лима Роналдо жаҳон чемпионатларининг финал босқичида гол уриш бўйича рекордчи ҳисобланади.
Ҳужумчи жаҳон чемпионатининг финал баҳси учрашувларида 15 марта рақиблар дарвозаларини аниқ нишонга олган. Германия терма жамоаси ҳужумчиси Мирослав Клозе эса «сўйлоқ»дан биттагина кам голга муаллифлик қилган. Роналдо айнан шу ҳақда фикр билдирди.
«Кўпчилик мен ва Клозе ўртасидаги рақобат ҳақида гапиришади. Менимча эса, рекордлар уларни янгилаш учун ўрнатилади. Бир кун келиб кимдир буни қилиши керак.
Мен бундан хавотирда эмасман. жаҳон чемпионатларида киритган 15 голим унутилмайди. Бу билан ўз номимни тарихга муҳрладим. Агар Клозе мендан ўзиб кетса, уни табриклайман ва албатта, олқишлайман»,- дейди Роналдо.
