«Наполи» президенти Аурелио де Лаурентис кучли бешликнинг ҳар биридан 5тадан жамоа қатнашадиган янги еврокубок ташкил қилишни таклиф қилди.

«Фикримча, миллий чемпионатлар учун 20 жамоа жуда кўп. Улар ички чемпионатда ҳаддан ташқари кўп ўйин ўйказишмоқда. Қўшимчасига еврокубоклар. Менда янги таклиф бор. Миллий чемпионатдаги жамоалар сонини 16тагача қисқартиб, янги еврокубок ташкил қилсак. Унда кучли бешлик чемпионатларининг бештадан жамоаси иштирок этади.

«МЮ», «Раел», «ПСЖ», «Бавария», «Милан» каби жамоалар билан баҳслашиш дахшатли бўларди. Бу мусобақадан 5 миллиард евро топиш мумкин. Бу ҳақиқий революция бўлади. Ҳамма жамоалар учун бюджетнинг тўлиқ бўлиши муҳим.

Бу масалада Платини билан гаплашганим йўқ, лекин у раҳбарлик ваколатини сақлаб қолишни хоҳласа, топ-клублар билан келишиши керак. Масалан, биз у билан 20 йиллик шартнома имзолашимиз мумкин. Бунинг эвазига у бизга шароит яратиб бериши керак. Ўйинларнинг транлациясини интернет орқали сотишни ташкил қилиш керак. Ҳозир жамоалар чемпионлар лигасининг транслациясидан 40 миллион евро топишади. Мен эса 200 миллион евро топишни хоҳлайман.

«Реал» ва «Барселона» билан келишиш осон бўлмайди. Биласиз, бир неча йилдан буён «Реал» йилни қарз билан якунламоқда»,- дейди президент.