Қозоғистоннинг Алмати шаҳрида бўлиб ўтаётган бокс бўйича жаҳон чемпионатининг финалида 9та мамлакат вакиллари олтин медал учун рингга кўтариладилар.

Хабарингиз бор, 52 килогача бўлган вазнда Жасурбек Латипов ҳал қилувчи баҳсда россиялик Миша Алоян билан жанг олиб боради. Ҳамюртимиз аввалги ЖЧнинг бронза медали совриндори бўлса, Алоян эса амалдаги чемпион ҳисобланади.

Финалда Қозоғистоннинг 6 нафар боксчиси рингга чиқса, Кубадан 3 нафар спортчи чемпионлик учун курашади. Россиянинг 3 нафар боксчиси финалгача етиб келган бўлса, Озайрбойжон 2та вазн тоифасида олтин медалга эга бўлиш имкониятига эга. Шунингдек, Жазоир, Ирландия, Италия, Ўзбекистон ва Бразилия финалда бир нафардан боксчига эга.

Финал жанглари Тошкент вақти билан соат 13:00да бошланади.

Жаҳон чемпионатининг финал жуфтликлари:
49 кг. Биржан Жакипов (Қозоғистон) - Муҳаммад Флисси (Жазоир)
52 кг. Жасурбек Латипов (Ўзбекистон) - Миша Алоян (Россия)
56 кг. Владимир Никитин (Россия) - Жавид Чалабиев (Озарбойжон)
60 кг. Робсон Консейсао (Бразилия) - Лазаро Эстрада (Куба)
64 кг. Мерей Акшалов (Қозоғистон) - Ясниер Лопес (Куба)
69 кг. Данияр Елеуссинов (Қозоғистон) - Арисноидус Деспайн (Куба)
75 кг. Жейсон Куигли (Ирландия) - Жанибек Алимханули (Қозоғистон)
81 кг. Адилбек Ниязимбетов (Қозоғистон) - Хулио Пераза (Куба)
91 кг. Евгений Тищенко (Россия) -  Клементе Руссо (Италия)
91+ кг. Магомедрасул Межидов (Озарбойжон) - Иван Дичко (Қозоғистон)