"Челси" бош мураббийи Жозе Моуриньо Испания чемпионати 10-турининг марказий учрашуви - "Барселона"-"Реал" ўйинига мутлақо бефарқ эканини таъкидлаган. Бу ҳақда португалиялик мутахассис AS нашри билан суҳбатда маълум қилади.
- "Эл-класико" мени мутлақо қизиқтираётгани йўқ. Жамоалардан қайсидир бири ютишини хоҳлармидингиз, деб сўрасангиз, мен "Ха, хоҳлайман" деб жавоб бераман.
Якшанба кунги ўз жамоамнинг муҳим ўйини олдидан шанба кунги оқшомни футбол кўриб ўтказиш ниятим йўқ. Оилам билан кечки овқат еб, ухлашга ётишни режалаштиряпман.
- Кимнинг ғалабасини хоҳлардингиз?
- Мадриднинг "Реал" клуби.
Эслатиб ўтамиз, аввалроқ "Барселона" собиқ бош мураббийи Пеп Гвардиола, португалиялик ҳамкасбидан фарқли равишда, "класико"да "Барселона"га мухлислик қилишини таъкидлаб ўтганди.
