Қозоғистоннинг Алмати шаҳрида бокс бўйича жаҳон чемпионати якунига етди. Йилнинг нуфузли мусобақасида иштирок этган 10 нафар чарм қўлқоп усталаримиздан иккиси якунда совриндорлар сафидан жой олди.

52 кг вазн тоифасидаги Жасурбек Латипов ҳал қилувчи финал жангида россиялик амалдаги жаҳон чемпиони Миша Алоянга қарши рингга кўтарилди. Тенг курашлар остида кечган жангда Алоян 2:1 ҳисобида ғалаба қозонди. Ярим финалга етиб келган иккинчи вакилимиз, Осиё чемпиони Ойбек Мамазулунов эса 81 кг вазн тоифасида бронза медалини қўлга киритди.

Умумжамоа ҳисобида мезбонлар Қозоғистон терма жамоаси 4 та олтин, 2 та кумуш, 2 та бронза медали билан биринчи ўринни эгаллади. Иккита олтин, шунча кумуш ҳамда битта бронза медалига эгалик қилган Куба терма жамоаси иккинчи, 2 та олтин ва битта бронза медалини қўлга киритган Озарбайжон терма жамоаси учинчи ўринни банд этди. Терма жамоамиз эса олтиликдан жой олди.

Барча вазнлар финаллари

- 49 кг. Биржан Жакипов (Қозоғистон) – Муҳамад Флиси (Жазоир) – 3:0
- 52 кг. Миша Алоян (Россия) – Жасурбек Латипов (Ўзбекистон) – 2:1
- 56 кг. Жавад Чалабиев (Озарбайжон) – Владимир Никитин (Россия) - 3:0
- 60 кг. Ласаро Эстрада (Куба) – Робсон Консейсао (Бразилия) – 3:0
- 64 кг. Мерей Акшалов (Қозоғистон) – Ясниер Лопес (Куба) – 3:0
- 69 кг. Данияр Елессинов (Қозоғистон) – Ариснойдис Деспейн (Куба) – 3:0
- 75 кг. Жанибек Алимханули (Қозоғистон) – Жейсон Куигли (Ирландия) – 3:0
- 81 кг. Хулио Пераса (Куба) – Адибек Ниязимбетов (Қозоғистон) – 2:1
- 91 кг. Клементе Руссо (Италия) – Евгений Тищенко (Россия) - 3:0
+ 91 кг. Магомедрасул Межидов (Озарбайжон) – Иван Дычко (Қозоғистон) – нокаут билан Межидовнинг ғалабаси