Россия ўсмирлар терма жамоаси дарвозабони Антон Митрюшкин жаҳон чемпионатининг 1/8 финалида Бразилия ўсмирлар терма жамоасига қарши ўйин олдидан олтин медалларга умид қилаётганини билдирди.
"Биз жаҳон чeмпиони бўлмоқчимиз, Бразилия эса - мусобақа фаворити. Бразилияга қарши баҳс биз учун жуда катта аҳамиятга эга, аммо бу ўйин ҳаётимдаги энг муҳим ўйин дея олмайман.
Ўйлашимча бу ўйинда жамоалар ҳимояда ўтириб олмадилар. Бу иқлим шароитида буни уддалаш оғир. Иккала жамоа ҳам гол уриб чорак финал масаласини ҳал қилишга уринади", дейди Митрюшкин.
Эслатиб ўтамиз, Россия-Бразилия ўсмирлари ўртасидаги ўйин бугун Абу-Даби шаҳрида, Тошкент вақти билан 21.00да бошланади.
