"Челси" бош мураббийи Жозе Моуриньо 9-туржа "Манчестер Сити" устидан қозонилган ғалаба (2:1) тўғрисида қуйидагича фикр билдирди.
"Биз учун жуда муҳим бўлган ўйинда ғалаба қозондик. Биз балки, АПЛдаги энг кучли клубни мағлубиятга учратдик.
Жамоам намойиш этган ўйиндан қониқдим. Бундай ўйинларда омад ҳам керак эканлигини таъкидлашим лозим.
Торрес бир ажойиб имкониятдан фойдалана олмагандан кейин ўзгариб қолди. Шундан сўнг биз Фернандони энг яхши ҳолатдаги ўйинини гувоҳи бўлдик. У таркибда жуда қаттиқ меҳнат қилди. Иккинчи гол эса қатьий ишонч маҳсули бўлди: Фернандо охиригача муваффақият қозонишига ишонди", - деди Моуриньо.