Ёшлар биринчилигининг навбатдаги турида Жиззахнинг “Сўғдиёна” жамоасини қабул қилган «Навбаҳор» ёшлари иродали ғалабани қўлга киритишди. Наманганликлар икки маротаба ҳисобда ортда қолишларига қарамай якунда уч очкони қўлга киритишди.

Учрашувда «Навбаҳор» таркиби қуйидагича кўринишга эга бўлди:
Ислом Жўраев, Мирзоҳид Собиров, Жаҳонгир Меҳмонов, Сардор Тошпўлатов, Раҳмон Ўринов, Собит Воҳидов, Мурод Раҳмонов, Билол Шарофиддинов, Абдуазиз Султанов, Муҳаммад Расулов, Абдураззоқ Жўраев.
Захирадан майдонга тушганлар: Сардор Теляков, Азиз Турғунбоев, Мухсин Манавиханов, Санжар Жалилов, Комил Қўчқаров.

Голларга бой руҳда ўтган учрашувда биринчи бўлиб Абдураззоқ Жўраев ҳисобни очишга эришди. Кейинчалик фаоллик кўрсатган жиззахликлар ҳисобда олдинга чиқиб олишди. Гарчи Муҳаммад Расулов ҳисобни тенглаштирган бўлсада, меҳмонлар танаффусга 3:2 ҳисобидаги ғалаба билан чиқиб кетишни уддасидан чиқишди.

Иккинчи бўлимда «Навбаҳор» футболчилари ғалабани кўзлаган ҳолда ҳаракат қилишди. Натижада аввалига Абдураззоқ Жўраев ҳисобни тенглаштирди. Ўйин якунланишига оз вақт қолганида эса рақиб ҳимоячиси билан курашда Жаҳонгир Меҳмонов ғалаба тўпини киритишга эришди. Эътиборли жиҳати бу пайтга келиб наманганлик ёшлар майдонда камчилик бўлиб қолишганди. Захирадан майдонга туширилган Жавлон Холмирзаев қизил карточка олишга мажбур бўлганди.

Ёшлар лигаси, 24-тур
«Навбаҳор» - «Сўғдиёна» - 4:3