Паралимпиячиларимиз зафарли одимлашда давом этишмоқда

Малайзия пойтахти Куала-Лумпур шаҳрида ўтказилаётган ПараОсиё ўйинларида мамлакатимиз спортчилари томонидан қўлга киритилган медаллар сони кундан-кунга ортиб бормоқда. Бу эса ўз навбатида Давлатимиз томонидан спортчиларимизга кўрсатилаётган ғамхўрликлар ҳамда юртимизда Паралимпия харакатини ривожлантириш борасида амалга оширилаётган сайи-харакатлар ўз сўзини айтаётганлигидан далолат беради.

Маълумки, ўзбекистонлик паралимпиячилар қитъада етакчилардан бири ҳисобланишади ва бу жихат ПараОсиё ўйинларида ҳам яна бир бора ўз исботини топмоқда. ПараОсиё ўйинлари дастуридан ўрин олган дзюдо, сузиш, енгил атлетика ва пауэрлифтинг каби спорт турларида Ватанимиз шарафини ҳимоя қилаётган жами 9 нафар мардонавор спортчимиз уч кунлик мусобақалар якунларига кўра 6 та олтин ва 4 та кумуш медални қўлга киритдилар.

Мусобақаларнинг учинчи куни 100 метр масофага чалқанча усулда сузиш бўйича ўтказилган баҳсларда марра чизиғига биринчи бўлиб етиб келган ҳамюртимиз Кирилл Паньков ПараОсиё ўйинларининг олтин медалини қўлга киритиш билан бирга, Осиё рекордини (1:05:55 сония) ҳам янгилади. Шу ўринда таъкидлаш жоизки, тажрибали спортчимиз 2012 йили Лондон (Буюк Британия)да бўлиб ўтган XIV Паралимпия ўйинларида ҳам худди шу масофада Осиё рекордини ўрнатган эди. Эътиборлиси, Кирилл Паньков 100 метр масофага чалқанча усулда сузишда Осиёда тенгсиз эканлигини амалда яна бир бора исботлади. Иккинчи ўринни япониялик спортчи эгаллаган бўлса (1:44:72 сония), учинчи ўрин Эрон вакилига насиб этди (1:45:07 сония).

Енгил атлетиканинг найза ва диск улоқтириш мусобақаларида икки бор олтин медалга сазовор бўлган Илҳомжон Рихсибоев бугун ядро улоқтириш бўйича бўлиб ўтган баҳсларда ҳам энг юқори натижани (8 метр 31 сантиметр) қайд этиб, ПараОсиё ўйинларининг учинчи олтин медалини делегациямиз ҳисобига келтирди.Мазкур мусобақаларда ядрони 7 метр 52 сантиметр масофага улоқтирган қозоғистонлик спортчи кумуш, 7 метр 05 сантиметр натижа кўрсатган Баҳрайн терма жамоаси аъзоси бронза медали совриндори бўлди.

Юз метр масофага югуриш бўйича бўлиб ўтган мусобақаларда кумуш медал соҳиби бўлган ҳамюртимиз Фаррух Мирзақулов 200 ҳамда 400 метр масофаларга югуриш бўйича ўтказилган мусобақаларда ҳам марра чизиғига иккинчи бўлиб етиб келди.

XIV Паралимпия ўйинларида Ватанимиз шарафини ҳимоя қилган яна бир юртдошимиз Дониёр Солиев узунликка сакраш мусобақаларида 6 метр 54 сантиметр натижа кўрсатиб, кумуш медал совриндори бўлди.

ПараОсиё ўйинлари 30-октябрь куни ниҳоясига етади.

Мамлакатимиз делегацияси аъзолари 31- октябрь куни эрта тонгда (Тошкент вақти билан соат 3:30да) Ватанимизга қайтиб келадилар.

Тизимга кириш
Эл. почта:
Пароль:
	Эсда сақлаш

регистрация \| паролни тиклаш

14/03 00:45	Торино	4-1	Парма
14/03 01:00	Алавес	1-1	Вильярреал
14/03 18:00	Жирона	3-0	Атлетик Бильбао
14/03 19:00	Интер	1-1	Аталанта
14/03 20:00	Сандерленд	0-1	Брайтон
14/03 20:00	Бёрнли	0-0	Борнмут
14/03 20:15	Атлетико	1-0	Хетафе
14/03 22:00	Наполи	2-1	Лечче
14/03 22:30	Челси	0-1	Ньюкасл
14/03 22:30	Арсенал	2-0	Эвертон
14/03 22:30	Реал Овьедо	1-0	Валенсия
15/03 00:45	Удинезе	0-1	Ювентус
15/03 01:00	Вест Хэм	1-1	Манчестер Сити
15/03 01:00	Реал Мадрид	4-1	Эльче
15/03 16:30	Верона	-	Женоа
15/03 18:00	Мальорка	-	Эспаньол
15/03 19:00	Ноттингем Форест	-	Фулхэм
15/03 19:00	Ман. Юнайтед	-	Астон Вилла
15/03 19:00	Кристал Пэлас	-	Лидс
15/03 19:00	Пиза	-	Кальяри
15/03 19:00	Сассуоло	-	Болонья
15/03 20:15	Барселона	-	Севилья
15/03 21:30	Ливерпуль	-	Тоттенхэм
15/03 22:00	Комо	-	Рома
15/03 22:30	Бетис	-	Сельта
16/03 00:45	Лацио	-	Милан
16/03 01:00	Реал Сосьедад	-	Осасуна

Паралимпиячиларимиз зафарли одимлашда давом этишмоқда

ЭНГ КЎП ЎҚИЛГАН ЯНГИЛИКЛАР