"Реал" яримҳимоячиси Хаби Алонсо фаолиятини "Челси"да давом эттириши мумкин. Бу ҳақда Marca хабар тарқатди. Ушбу трансфер Лондон клуби устози Жозе Моуриньонинг хоҳиши билан амалга ошади.
31 ёшли футболчининг мадридликлар билан амалдаги шартномаси мавсум охирида якунланади. Шу тариқа Алонсо январдаёқ бошқа клублар билан мустақил ҳолда музокаралар ўтказиш имкониятига эга.
Манбада қайд этилишича, айни пайтда яримҳимоячи шартномани узайтиришдан кўра "Челси"га ўтишни афзал кўрмоқда.
Аввалроқ Испания терма жамоасининг ушбу аъзосига "Ювентус" ва "Ливерпуль"дан ҳам қизиқишлар бўлгани хабар қилинган эди.