БАА миллий терма жамоаси Осиё кубоги саралаш босқичининг навбатдаги 2та тур баҳслари учун тайёргарликни 3 ноябрь куни бошлайдиган бўлди. Терма жамоа бош мураббийи Али Маҳдий йиғинга таклиф этилган 24 нафар футболчининг номини эълон қилди.

Ҳозирги пайтда БАА "Е" гуурҳида 9 очко билан биринчи ўринда бораётган бўлса, Ўзбекистон ва Гонконг терма жамоалари ҳисобида 4 очкодан мавжуд. 15 ноябрь куни Гонконг устидан қозониладиган ғалаба Амирлик футболчиларига муддатидан аввал Австралия-2015 йўлланмасини тақдим этади. Орадан 4 кун ўтиб эса Маҳдий шогирдлари ўз майдонида Вьетнамни ҳам қабул қилишади. Ушбу ўйиндаги ғалаба эса уларга гуруҳда 1-ўринни кафолатлайди.

БАА терма жамоаси 9 ноябрь куни Филиппин билан ўртоқлик учрашувини ўтказади.

Навбатдаги йиғинга таклиф этилган футболчилар рўйхати:
Али Хасиф, Али Мабхут, Хамис Исмоил ("Ал-Жазира"), Аҳмад Маҳмуд, Муҳаммад Жамол ("Ал-Васл"); Исмоил Матар, Ҳамдан ал-Камолий, Эйсса Аҳмад, Салим Солиҳ, Маҳмуд Хамис ("Ал-Ваҳда"); Муҳаммад Аҳмад, Муҳаннад ал-Эназий, Исмоил Аҳмад, Умар Абдул Раҳмон, Муҳаммад Абдул Раҳмон, Холид Эйсса "Ал-Айн"), Абдул Азиз Ҳайкал, Волид Аббос, Мажид Ҳасан, Исмоил ал-Ҳаммадий, Аҳмад Халил ("Ал-Аҳли"); Ҳабиб ал-Фардан ("Ал-Наср"); Муҳаммад Фаузи, Ҳаббуш Солиҳ ("Банияс").